Handboltaskóli ÍR

Minnum á handboltaskóla ÍR sem byrjar á þriðjudaginn! 

Tveggja vikna handboltanámskeið fyrir krakka fædd 2004-1997. Æfingar standa yfir í tvær klukkustundir dag hvern og fara fram í íþróttahúsinu við Austurberg.

Skólastjóri er Sigurjón Björnsson(Sjonni)! Sjonni er hokinn af reynsu, en hann er íþróttafræðingur að mennt og hefur þjálfað handbolta í 6 ár, allt frá 6. Flokki upp í 3. Flokk. Sjonni hefur spilað í meistaraflokki síðan 2006 og varð íslandmeistari með HK 2011 og bikar- og meistari meistarana með ÍR 2013. Sjonni er uppalinn ÍR-ingur og hefur alla sinn ferill leikið með ÍR utan tvö ár sem hann lék með HK. 

Takmarkaður fjöldi kemst að í hvort námskeið og því er mikilvægt að skrá sig sem fyrst.

Námskeiðsvikur:
10.-24. júní
5.-18. ágúst

Æfingatímar og aldursflokkar:
10-12 ára(02-04) kl. 09:00-11:00
13-14 ára(01-00) kl. 11:30-13:30
15-16 ára(99-97) kl. 13:30-15:30

Verð: 14.500 kr.
Skráning á www.ir.is

Nánari upplýsingar hjá starfsfólki ÍR í síma 587-7080

 

 

Handboltavakan

Á föstudaginn verður handboltavakan í Austurbergi.

Við ætlum að byrja klukkan 18. Það kostar 1000 krónur inn.
Foreldraboltinn verður klukkan 20.
Eftir hann munum við fá okkur pizzur. Síðan munum við spila handbolta og hafa gaman til klukkan 1.

Það má hafa með sér   nammi. Ávextir ekki vitlaus aukabiti.

Það fær enginn að fara út úr Austurberginu án fylgdar fullorðinna.

kveðja
Þjálfarar 5. flokks karla og kvenna

Uppskeruhátíð yngriflokka!

 

 

 

Eurovision eða Handbolt í kvöld ?

Eurovision eða Handbolt í kvöld ? Auðvelt val því þessir ÍR Pollar verða í Mýrinni kl. 19:30 þannig að við hvetjum alla til að mæta og sjá þá hala inn 12 stigum og tryggja sætið !! #handbolti #eurovision

ÍR Pollarnir - Diddi, Arnór, Danni og Jón

Mót HK - 5fl. Y (2001 árg)

Hæhæ næsta mót er núna um helgina, þetta er eldra árs mót og mæta allir sem eru fæddir 2001 ! HK heldur mótið og það er bæði spilað í Kórnum.
Fyrstu leikir eru á föstudaginn og því verður ekki æfing. Það er mæting 40 min fyrir fyrsta leik

Föstudagur.
16:20 2A Fylkir 2 ÍR 3

17:40 2A ÍR 3 Stjarnan 1

Laugardagur.

11:00 2A KA 2 ÍR 3

12:20 2A ÍR 3 Þór Ak. 1

 

-Arnór Freyr
17:40 2A ÍR 3 Stjarnan 1

Laugardagur.
11:00 2A KA 2 ÍR 3
12:20 2A ÍR 3 Þór Ak. 1

-Arnór Freyr.

 

Mót 5.fl. ka Y 28.-30 mars. Skráning foreldra í stöður í Austurbergi og Seljaskóla

Við óskum eftir starfskröftum foreldra næstu helgi í Austurbergi og Seljaskóla þar sem mótið fer fram hjá 5.fl. ka. Yngra.

Vinsamlegast  skráið ykkur sem tímaverði/ritara á amk. 3. leiki í röð í skjalinu hér að neðan - þar sem við þurfum að manna völl 1 og 2 í Austurbergi og völl 1 í Seljaskóla.

Við höfum haldið mörg mót og yfirleitt hefur gengið mjög vel að fá foreldra viðkomandi flokks til að vinna á þeim mótum því  án ykkar hjálpar getum við ekki haldið svona mót fyrir börnin okkar!

Foreldrar - Tímaveriðr & Ritarar  skráning > https://docs.google.com/spreadsheet/ccc?key=0ArXy0rqrXH8ZdFN6NzZzS2I0MmxMMGJnMlo5ZjBGUlE&usp=drive_web#gid=6

Foreldrar og BOGUR á móti í Austurbergi.

Hússtjórn , Ritari og tímavörður



Foreldrar að störfum á móti í Austurbergi.

Kveðja
Barna og unglingaráð ÍR Handbolta

AÐALFUNDUR HANDKNATTLEIKSDEILDAR ÍR

Aðalfundur handknattleiksdeildar ÍR verður haldinn miðvikudaginn 19. mars n.k.

 

Fundartími: miðvikudaginn 19. mars 2013 kl. 19:30

Staður: ÍR heimilið í mjódd, 2. hæð

Dagskrá:

1. Kosning fundarstjóra og fundarritara.
2. Skýrsla stjórnar um starfsemi félagsins.
3. Lesnir og skýrðir rekstrar- og efnahagsreikningar fyrir síðasta almanaksár.
4. Lögð fram starfs- og fjárhagsáætlun fyrir næsta starfsár.
5. Kosinn formaður.
6. Kosnir aðrir stjórnarmenn og tveir stjórnarmenn til vara.
7. Kosnir fulltrúar og varafulltrúar á aðalfund félagsins.
8. Ákveðin æfingagjöld.
9. Önnur mál.

 

Við hvetjum allt áhugafólk um ÍR-handbolta að mæta og kynnast starfinu betur. Framboð hafa borist í allar stöður stjórnar en við hvetjum fólk til að íhuga að koma og taka þátt.

Kveðja Stjórnin

 

Bikarhelgin - Pistill úr klefanum frá Bjarka Sig.

Sælir kæru ÍR-ingar - velkomin í  bikarhelgina okkar.

Við áttum stórkostlega "Final Four" bikarhelgi á síðasta ári þegar við lönduðum bikarnum. Þá var Höllin máluð blá að okkar hætti og stuðningurinn var frábær á báðum leikjum okkar enda slógum við aðsóknarmetið þá helgi.  

Nú ætlum við að endurtaka leikinn frá því í fyrra og taka þessa bikarhelgi með trompi,  því með ykkar stuðningi í stúkunni er fátt sem stöðvar okkur ÍR-inga.      

Við mætum mjög góðu liði Aftureldingar í undanúrslitunum á föstudeginum  28. Feb. kl. 17:15.    Afturelding hefur ekki tapað leik á þessu tímabili og eru strákarnir þar búnir að  slá út tvö  úrvalsdeildarlið á leið sinni í Final Four.     Þeir eru því sýnd veiði en ekki gefin,  enda er mjög  mikilvægt að fjölmenna á leikinn í ÍR-litunum og styðja okkur strákana í að komast í gegnum hann og  alla leið í úrslitaleikinn, sem verður síðan á laugardaginn kl. 16:00 gegn FH eða Haukum.

Undirbúningur hefur gengið vel í okkar herbúðum  og höfum við farið vel yfir það á video fundum hvernig andstæðingar okkar spila.     Okkar plan liggur því  ljóst fyrir enda eru leikmenn og skipulagið klárt.   

Strákarnir okkar mæta því fullir sjálfstrausts og tilhlökkunar í þessi verkefni sem býða okkar núna um helgina, og með ykkar stuðning og stemningu förum við alla leið og höldum bikarnum okkar í Breiðholti þar sem hann á heima.

Það er síðan okkar von að ÍR Handbolti  landi tveimur bikarmeisturum þessa helgi því Elli Ísfeld og strákarnir í 4.fl. ka.E hafa einnig tryggt sig inn í úrslitaleikinn í bikarnum og spila þeir við ÍBV kl. 14:30 á sunnudeginum í Höllinni.

Við óskum þeim góðs gengis og vitum að ÍR-ingar fjölmenna til að styðja þá líka. 

Sjáumst í Höllinni  

Áfram ÍR !!

Kv.
Bjarki Sig.

Bikarúrsliti - 4.fl. ka E. ÍR - ÍBV |sun. 2. mar. kl. 14:30 | Coca Cola bikar Laugardalshöll

Þetta er ekki aðeins stór helgi sem er framundan fyrir meistaraflokk karla í bikarnum, því strákarnir í 4.fl. karla eldra eru einnig búinn að tryggja sig inn í Höllina í úrslitaleikinn í bikarnum á sunnudeginum.

Leikur þeirra við ÍBV hefst kl. 14:30  í Laugardalshöll en þar verður umgjörðin glæsileg og engu til sparað.
Það er alltaf draumur hvers leikmanns að komast í höllina og leika bikarúrslitaleik og þessir leikir eru þeir leikir sem allir yngri leikmenn vilja prufa að leika áður en þeir fara á stórasviðið með meistaraflokkunum

Ókeypis er á alla leiki á sunnudeginum og hvetjum við því alla ÍR-inga til að mæta í Höllina og hvetja strákana okkar áfram og styðja þannig við bakið þessum glæsilegu fulltrúum sem við eigum í úrslitaleik Coka Cola bikarsins !

Flottir fulltrúar ÍR Handbolta 

Ókeypis er á alla leiki á sunnudeginum og hvetjum við því
alla ÍR-inga til að mætaí Höllina og styðja strákana

3.umferð Íslandsmóts - 5.fl. ka. yngra Deildarmeistarar.

Flottir strákar í 5.flokk yngra árs sem sigruðu sína deild með töluverðum yfirburðum í dag. Strákarnir voru vel að sigrinum komnir, leikgleðin skein úr andlitunum enda var stefnan strax tekin á sigur hjá þessum efnilega hóp.

Myndir komnar inn á Facebook ÍR Handbolta 

Myndaalbúm á Facebook ÍR Handbolta 

Verið vinir ÍR Handbolta á Facebook og fáið þannig fréttir og myndir frá starfinu beint í fréttaveituna ykkar :)

Við hvetjum foreldra til að taka myndir á mótum og koma þeim til þjálfara á USB lyklum.

Við hvetjum foreldra til að taka myndir á mótum núna um helgina hjá yngri flokkum okkar og koma myndunum síðan til þjálfara okkar á USB lyklum.  Þjálfarar koma myndunum síðan á vefstjóra ÍR Handbolta.   

 

Til gamans látum við tölfræði yfir skoðun á myndum á Facebook ÍR Handbolta Tímabilið  sep. 2013 - feb. 2014 fylgja með þar sem súla = fjöldi mynda skoðaður viðkomandi dag. 

 

Toppar í kringum mót hjá yngri flokkum sýna að myndir eru skoðaðar allt að 46þúsund sinnum á dag næstu daga eftir mótin hjá krökkunum.    Myndir frá þorrablóti voru skoðaðar 56 þús. sinnum pr.dag í 5 daga í röð.  Síðan er góður stígandi í myndaskoðun í feb. af myndum á mótum hjá 7.fl. , 6 fl. og 5.fl. en þá settum við einnig inn pósta á bloggsíður flokka um að myndir væru komnar inn á Facebook ÍR .

 

Mynd 1 - Verið vinir okkar á Facebook ÍR Handbolta - http://facebook.com/Handbolti

 

 

 

 

Mót hjá Aftureldingu næstu helgi

Jæja þá er komið að næsta móti og fer það fram í Varmá (heimavelli Aftureldingar í mosó). Það er mæting 40 mínútum fyrir fyrsta leik.  ( Ekki æfing á föstudaginn vegna mótsins )

ÍR1
Adam, Alexander, Aron, Viktor, Gunnar, Atli, Hafsteinn, Davíð.
Föstudagur 
15:40 2.deild - B ÍR 1 Víkingur 1
17:00 2.deild - B Fram 2 ÍR 1
Laugardagur 
15:00 2.deild - B ÍR 1 Selfoss 2
16:20 2.deild - B Fjölnir ÍR 1

ÍR2
Heiðar, Marek, Daníel, Róbert, Kalli, Jóhann, Hjálmar, Benni, (Bergvin)
Föstudagur 
17:40 3.deild - A Valur 2 ÍR 2
19:40 3.deild - A ÍR 2 Afturelding 3
Laugardagur
11:00 3.deild - A HK 2 ÍR 2
Svo er einn aukaleikur þegar deildin er búin sem eru eins konar úrslitaleikir.

-Arnór Freyr.

Verið vinir ÍR Handbolta á Facebook 

Strákarnir stóðu sig vel á mótinu hjá FH um helgina - Myndir komnar á Facebook ÍR Handbolta

Arnór og strákarnir í 5.fl. yngra tóku þátt í móti hjá 5.fl. eldra sem haldið var hjá FH um helgina. Strákarnir stóðu sig frábærlega og gerðu 3 jafntefli, unnu einn leik og töpuðu einum, enda voru þeir ánægðir í mótslok.

Myndir komnar inn á Facebook ÍR Handbolta.

Myndaalbúm á Facebook ÍR Handbolta 

Smellið á myndina  til að skoða myndaalbúmið á Facebook ÍR Handbolta
Verið vinir ÍR Handbolta á Facebook til að fá fréttir og myndir beint í fréttaveituna ykkar

Mót næstu helgi hjá FH ( Leikir lau.1. - sun.2 feb.)

Hæhæ
Við ætlum að taka þátt á eldra árs móti nætu helgi en það er haldið af FH. Það mæta allir sem eru í 5.flokki en þeir sem eru í 6.flokki keppa með þeim. Það er mæting 40 mín fyrir fyrsta leik og leikirnir eru:

Laugardagur í Strandgötu:
15:20 3.deild b ÍR 2 - ÍR 3
17:20 3.deild b ÍR 3 - UMFA 2

Sunnudagur í Kaplakrika:
09:20 3.deild b Haukar 2 - ÍR 3
12:00 3.deild b Stjarnan 2 - ÍR 3
13:20 3.deild b ÍR 3 - FH 3

-Arnór Freyr

IR Handbolti 5.fl. yngra - Reykjavíkurmót 2013
Gott silfur gulli betra !